Soja Chanda

So ja chanda, raaja so ja
Chal sapnon mein chal
Neend ki pariyaan pehan ke aayi, pairon mein paayal
Tujhko apne naram paron par leke jaayengi
Sone ka ik des hai jiski sair karaayengi 

Dharti se kuch door kahin saat samandar paar
Aakaashon ke beech hai sapnon ka sansaar
Woh zameen hai pyaar ki wahan sirf pyaar hai
Mere chaand jaa wahan, tera intezaar hai
So ja chanda, raaja so ja
Chal sapnon mein chal
Neend ki pariyaan pehan ke aayi, pairon mein paayal 

Jin pariyon ke husn par jannat ho qurbaan
Un pariyon ke des mein hoga tu mehmaan
Hai nayi kahaaniyan, jo tujhe sunaayengi
Tere saath naachengi, tere saath gaayengi
So ja chanda, raaja so ja
Chal sapnon mein chal
Neend ki pariyaan pehan ke aayi, pairon mein paayal
Tujhko apne naram paron par leke jaayengi
Sone ka ik des hai jiski sair karaayengi