Пиалем улат

Ошкылат, модыкталын мотор шинчат,
Уке улыт тый гает иктат
Ала огешат кӱл ыле вет тылат
"Йӧратем" манмемже, колат

Манеш-манешым арам ойлат
Ом ӱшане мые садыгак.
Вашлийынам, йӧратенам.
Ом шылте тидым нигӧ дечат.

Порыжат, ныжылжат, сайжат
Уло палем шӱмыштет.
Сылныжат, моторжат, чевержат
Сыныштетат, капыштет.

Ончал колтет, йымыктарет.
Йӱлалтара тыйын ончалмет
Молан вара орландарет,
От поч молан шӱм-чонет?

Огеш кӱл ала мыланем нимат
Шӱм-чонемжым молан туржат?
Пала, ужеш чыла тидым Юмыжат
Пиалемже тые улат.

Ок кӱл кечыжат, канде каважат.
Мыланемже тый вел кӱлат.
Тый дечет посна ом керт шӱленат
Огеш лий, палет, илашат.