Hиңә килдем иркәм

Хиңә килдем, иркәм. Үткән юлдарымдың
 Һанай-һанай алыҫ саҡрымдарын.
 Килдем тормошомдан кисеп яҙмышымдың
 Шатлыҡтарын, һағыш ялҡындарын.

 Хиңә килдем, иркәм. Килдем йылдар буйы.
 Һанай-һанай үткән көндәремде.
 Баҫа алмайынса ярһып яныуҙарын
 Әрнеп өҙгөләнгән йөрәгемдең.

 Хиңә килдем, иркәм. Бик һағынып килдем.
 Шаулап-гөрләп йәмле яҙҙар еткәс.
 Алыҫтарҙан яҙған сәләм хаттарымды
 Көтә-көтә түҙемлегем бөткәс.