Латшым ияш ӱдыр

Сылне шошо пагыт годым,
Олмапу пеледын ошын.
Корныштем тыйым вашлийым,
Шӱм-чонем йӱлалтарен
Ала кавасе чолга шӱдыр
Йӱлен пурыш чонышкем.
Икымше пеледыш шошым
Пеледе мыйын шӱмыштем.

Латшым ияш ӱдыр
Лийыч мыйын пелашем.
Волгалтен илыш корнынам
Илет мыйын пеленем.

Шарналтем мый умыр касым
Йӧратенак шупшалмем.
Вожылал шыман ӧндальыч,
"Вучем", - маньыч- "тол кастен".
Йӧратем мый тыйым шокшын,
Пӱрымаш мемнам ушен.
Пӧлеклен мый ныжыл мурым,
Тыланет эре мурем.