Тропарь (гласъ 4) «Рождество Твое, Богородице Дѣво...»

Тропарь праздника, гласъ 4

Рождество Твое, Богородице Дѣво,
радость возвѣсти всей вселенней: 
изъ Тебе бо возсія Солнце Правды, Христосъ Богъ нашъ, 
и, разрушивъ клятву, даде благословеніе, 
и, упразднивъ смерть, дарова намъ животъ вѣчный.

Кондакъ праздника, гласъ 4

Іоакимъ и Анна поношенія безчадства 
и Адамъ и Ева отъ тли смертныя свободистася, Пречистая, 
во святемъ Рождествѣ Твоемъ. 
То празднуютъ и людіе Твои, 
вины прегрѣшеній избавльшеся, 
внегда звати Ти: 
неплоды раждаетъ Богородицу и Питательницу Жизни нашея.