Эзир-Кара

Аялгазы: Сат Дамба-Доржунуу
Баглаажынга баглап каарга, 
Бажын саваар Эзир-Карам. 
Байыр-Наадым болган черге
Бажынга кээр Эзир-Карам.

Чүгеннээштиң баглап каарга,
Чүдек чараш Эзир-Карам.
Чүс-даа аъттың чарыжынга
Шүглүп келир Эзир-Карам.

Эзертээштиң мунуптарга, 
Эзиннелир Эзир-Карам.
Эрзин-Тесктиң Наадымынга
Эртип келир Эзир-Карам.

Соодуп-соодуп, мунуптарга, 
Согунналыр Эзир-Карам.
Чорук кылып халдыптарга, 
Човаг билбес Эзир-Карам.

Киженинден салыптарга, 
Киштей кааптар Эзир-Карам.
Кижи мунгаш, ыңай боорга, 
Киткеп маңнаар Эзир-Карам.

Чүгенниглер эрттип чадаан
Чүгүрүк-ле Эзир-Карам.
Чүглүг куш-даа ында калыр,
Чүткүлдүг-ле Эзир-Карам.

Элезинниг Эрзин-Тестиң 
Элии болган Эзир-Карам.
Ээзиниң - Сандаңмааның 
Эжи болган Эзир-Карам.