"Венеция" - 2. La Barcheta

La note xe bela,
Fa presto, Nineta,
Andemo in barcheta
Il freschi a chiapar.

Toni go dito
Che ’l felze el ne cava
Per goder sta bava
Che supia dal mar.
Che gusto contarsela
Soleti in Laguna,
al chiaro de Luna
Sentirse a vogar!

Ti pol de la ventola
Far senza, mia cara,
Che i zefiri a gara
Te vol sventolar!

Se gh’è tra de lori
Chi tropo indiscreto
Volesse dal peto
El velo strapar,

No bada a ste frotole,
Soleti nu semo,
Toni el so remo
L’è atento a menar.