Кеман-карми

(Числав Журавлев)

Апак лотксе чуди пингень леесь,                       
Чинек-венек сон монь терди тов,                      
Косто сыргась минек раськень келесь,
Конань течи копачизе лов. 
               
Солыть валон лангсто эень пандтнэ  
Келем лейнекс туи моданть трокс 
Нарвить морот эрзянь музыкантнэ —        
Эрямонок карми теке ёвкс.    
                      
Аволь чаво паксяс валги мором.                 
Оймем мари — валдо шкатне сыть.         
Кеман, карми кортамо мастором                          
Тиринь кельеэ — апак визде, чить.
 
Весе карми истя, кода мерить                    
Тенек минек превтне, оймень псись.     
Эрикст сеть, кить эсест койсэ эрить   
Ды кинь седейс ваны маней чись. 
Кинь седейсэ эри маней чись.