Яши алырмынмы мин синсез

ЯШИ АЛЫРМЫНМЫ МИН СИНСЕЗ?

Оскар Усманов көе,
Гөлсәрвәр сүзләре.

Сине күрдем чишмә буйларында,
Болыннардан кайтып барышлый.
Без кавышып, гомер юлларында
Яши алырбызмы ялгышмый?..

Кушымта:

"Гомерлеккә ярым бул?"- дидең син,
"Синсез, - дидең,- миңа күңелсез...
Көтмәгәндә әгәр бер югалтсам,
Яши алырмынмы мин синсез?"

Иртән, кичен һаман уйларымда,
Күз алдымнан йөзең югалмый.
Очрашмыйча торган чакларымда
Йөрәккәем тынгы табалмый...

Кушымта.

Кәгазь, каләм- минем кулларымда;
Җырларымны сиңа багышлыйм...
Гомерлеккә үкенечкә калма,
Күп тиң парлар никтер кавышмый...

Кушымта.

 [bad word]  [bad word] club3524919