Ак халатлы дусларга

Төннәр буе йоклый алмаганда
Кыл өстендә чакта гомерләр
Бар үткәннәр күз алдыннан уза
Мөлдерәмә тула күңелләр

Ярый әле саулык ачкычлары
Табибларда һәрчак табыла
Ак халатлы дуслар сезнең белән
Сунгән йөрәкләр дә кабына

Кешеләргә саулык өләшә гел
Табибларның алтын куллары
Бу дөнядан өмет өзгәннәргә
Дәва сезнең күңел нурлары

Гомерләрнең һәр минуты алтын
Яшәүләр бит җирдә мизгел ул
Фәрештәдәй терелтәсез безне
Һәркем өчен сез бит изге ул