Гаилә җебе нәзек нечкә җеп

Гаилә җебе нәзек нечкә җеп
Җил иссә дә кайчак өзелә
Өзелгәнне авыр ялгавы
Ә ялганса җиле сизелә
Өйрәнегез бергә түзәргә
Өйрәнегез гафу итәргә

Гаилә җебе нәзек ефәк җеп
Бала йөрәгенә уралган
Ул өзелсә сабый хыялы да
Башланмыйча гүя югалган
Ялгыз үтүләре ай-һай авыр
Тормыш дигән авыр юллардан

Гаилә җебен берүк өзмәгез
Ак юлына кара өймәгез
Башыгызны гына сөймәгез
Мин тормышка хуҗа димәгез
Өйрәнегез бергә түзәргә
Өйрәнегез гафу итәргә