Сюймеклик жыр ( Омар Отаров )

Кел, мин, ариу, файтоннга,
Байду да минер биргенге.
Эй, мен жюз файтоннга уа буйрукъ бергенме
Сени биргенге тебрерге.

Жюз файтон бла уа барыр эм ариу,
Юйюнгю аллына жол салып,
Эй, отоу терезенгден бир къарагъы эм,
Эки жан сюекге къол салып.

Къаяда къаплан жатханлай,
Къамагъа бичакъ такъгъанлай,
Эй, жазыуунг жетсе уа келип къалырса
Жалан аякълай, чапханлай,

Мен таугъа тогъай а салмасам, ариу,
Тюзде файтон бла бармасам,
Эй, ёлсем, къабырым а эки жарылыр,
Дуниямда сени алмасам.

Тюлкю бла турна уа шуёх эдиле
Ала тюз къамишде къош элле,
Эй, таза сюйгенле уа ма биз экибиз,
Къалгъан сюйгенле бош элле.

Бал чибиним бал этер,
Къанатын жайып кенг, кетер.
Эй, ажал инбашда уа болжал тау башда,
Толу муратына ким жетер?

Мен суу шорхагъа минейим,
Темирден кюбе киейим,
Эй, этген тузагъым а аягъынг а тюшюп,
Амалсыз кюнюнге тюбейим.

Тау артында жылкъыла,
Эбзеде токълу къыркъыла.
Эй, ариу, алакёзюм а къайдан келесе,
Базар мамукълай сытыла?

Мен тауну артында уа чилле сюргенме,
Керекли болсанг, алырса.
Эй, алтын челеклеринг, кюмюш суу агъачынг,
Эриксенг, суугъа барырса.

Кел, мин, ариу, файтоннга,
Да къобуз согъа, чайкъала.
Эй, сол жанынгда уа кесим барлыкъма,
Сорсанг а, жууап къайтара.

Ой, ариучугъум а къайдан келесе,
Кесинг кесинги сюйдюрюп?
Эй, алып кетерикме ариу алакёзню, 
Автомобильге миндирип.