Омир Озен

Өмір-өзен, қалай, қайтіп аққанын,

Асау ағыс толықндарын таппадым.

Қайта оралған наурыз-көктем құсымен,

Қайта оралшы, менің сәби шақтарым.

Қайырмасы:

Құстарым-ай, құстарым,

Қандай бақыт сенің биік ұшқаның!

Қайта оралшы, құстарым-ай, қанатым,

Күнімді іздеп көкжиекке қараппын,

Қайта оралмас өмір беріп жараттың.

 

Балалық шақ өтті қалай, сезбедім,

Ауылда жүр жәудіреген көздерім.

Қайта оралған наурыз-көктем құсымен,

Қайта оралшы, менің бала кездерім.

 

Қайырмасы:

 

Жадыраған әдемі еді-ау аспаным,

Өте шықты өткен өмір қас-қағым.

Қайта оралған наурыз-көктем құсымен,

Қайта оралшы, менің бала пәк шағым.