Вай, ошмесэ

Вай, ошмесэ, я вай юо
Мон тынэсьтыд юзмыт вудэ.
Эшшо бен ку на мон вуо
Атай-анай вордэм гуртэ?

Эшшо бен ку на мон ортчо
Азьвыл ветлэм сюресъёстим?
Эшшо бен ку на мон адзо
Азьвыл адзем зардонъёсты?

Улон берга, улон берга,
Садэ усе ини пужмер.
Ваньзэ ой быдэсты уга
Чебер но зеч малпанъёсме.

Чебер но зеч малпанъёсме
Ошмес дурам туннэ кельто.
Быдэстытэк кельтэм ужме
Только бен кин-о быдэстоз?

Но мон ой кушты на крезьме,
Бызе, бызе на ошмесэ.
Со мынэсьтым малпанъёсме
Нуэ сьораз югыт бусэ.