(verse: Qaraqan)

(verse: Qaraqan)
Ovcumda gizlədib hamıdan göy qurşağını gətirdim sənə
Saçlarına günəşin saçaqlarını qopardıb taxdım mən dənə-dənə
Gecələr mən alov kimi isitdim, bir an belə soyuq olmasın dünyan
Mən sənə sevgi, sən mənə saman altından Sakit okean

(verse: Qaraqan)
Dağlardan hasar tikdim ki, külək, tufan toxuna bilməsin sənə
Buludlardan xalça toxudum, sərdim, rahat olsun qoy hər yer sənə
Ağaclardan düzəltdim çəpər, gələ bilməsin nə pələng, nə aslan
Mən sənə sevgi, sən mənə saman altından Sakit okean

(verse: Qaraqan)
Vaxt keçdi, üstü açıldı, ömrü qısa olur hər bir yalanın
Soruşdum var mı qəlbində sevgin, rəhmin, qürurun, vicdanın
Ama gördüm xeyri yoxdur, sən tanımırsan nə şahı, nə üsyanı
Mən də saldım samanımın altına yavaş-yavaş qalan üç okeanı