Алгъыш

музыка Альбета Узденова
стихи Тохтара Борлакова, Альберта Узденова

Джолдашла, мен а не зат айтайым?
Алгъышларыгъыз толсунла!
Кёллериндегин хар джаш да, къыз да
Къоркъмай айтырча болсунла!

Озгъан джылланы суратладыгъыз,
Керекмид энтда къайтыргъа?
Келлик джылланы суратлар эдим,
Билмейме не зат айтыргъа...

Къууанчым уллуд джуртум бла бирге,
Башым джетеди Илкерге.
Джашау джолубуз кюч беред бизге -
Азатны табхан миллетге.

Алтмыш джылыбыз алтмыш насыбды
Кёб ёмюрледе кёрмеген,
Ма аны ючюннге кёлюм джарыкъды,
Джарыкъды мени сезмеген.

Бизде джашауну къараб кёрселе
Арабха, Тюркге... кетгенле,
Къабырдан къобуб сюркелирелле
Джуртлары таба ёлгенле.

Келлик тёлюню баш насыбына,
Ма, бизни тёлю сукълансын!
Джашнасын Ата Джуртум! Туугъан халкъымы
Аты ёмюрге сакълансын!

***

Ауузгъа чабхан, ол гюнах ишди,
"Сен джырлаб айт", - деб бёлдюгюз,
Сыйлагъаныгъызгъа сиз, сау болугъуз,
Айран аякъны бердигиз!

Айран аякъны мен къолгъа алыб, 
Алгъыш этейим таулагъа: 
Сюймегенле да сюйсюнле бизни -
Ол нюзюрюмдю джаулагъа. 

ПРИПЕВ:
Ичейик, ичейик, ичейик, 
Адамлыкъгъа базыб! 
Тилейик, тилейик, тилейик, 
Халкъыбызгъа насыб! 

Джети атагъа дери санаргъа 
Уста болсунла балала! 
Сабийлеринден ачымасынла 
Таулу атала, анала! 

ПРИПЕВ:
Ичейик, ичейик, ичейик, 
Адамлыкъгъа базыб! 
Тилейик, тилейик, тилейик, 
Халкъыбызгъа насыб! 

Кёбню сынагъан тау миллетибиз
Атламын тири башласын!
Джангы уяннган ана тилибиз
Джазгъы терекча джашнасын!

ПРИПЕВ:
Ичейик, ичейик, ичейик, 
Адамлыкъгъа базыб! 
Тилейик, тилейик, тилейик, 
Халкъыбызгъа насыб!

Ол насыбны уа бизге зарланнган,
Бизлей насыбдан джыласын!
Насыб джашауну бизге къызгъаннган,
Биз сынагъанны сынасын!

ПРИПЕВ:
Ичейик, ичейик, ичейик, 
Адамлыкъгъа базыб! 
Тилейик, тилейик, тилейик, 
Халкъыбызгъа насыб!
Джуртубузгъа насыб!
Джер башына насыб!