Мен истейим

1-й куплет
Мен истейим, адамлар муаббет олсун,
Оюн, кульку ич битмесин, чокъ олсун,
Айдын кунеш парылдасын семада,
Къуванч олсун ем ешиль адамызда,
Мен истейим, нагъмелер эп янгърасын,
Агъыр ава, хайтармалар чалынсын,
Эм йырласын, эм ойнасын балалар,
Феракълансын аналар ве бабалар.

Припев

Шенълик кельсин, шенълик кельсин
Ешиль ада гуллесин
Чешит-чешит чечек ачсын, 
Чечек ачсын, къокъусын
Озь йырыны, озь йырыны 
Бульбуль йырласын дагъда
Неде гузель яшамасы Ватанда

2-й куплет
Мен истейим ана-бабам сагъ олсун,
Чырайляры солмакъ бильмесин, кульсин,
Корьмесинлер артыкъ кедер омюрде,
Севинч олсун оларнын юрегинде