Мини дурта аваль

Мини дурта аваль
Манҗин Аркадь

Хаврин ноһан мет сәәхн
Хаврин торһн ду мет сәәхн
Хаврин бамб цецг мет сәәхн
Һо сәәхн аваль мини
Һо сәәхн җирһл мини

Зууна чилгр өдр мет халун
Зуунахальмг тег мет халун
Зууна чилгр өдр мет халун
Һо сәәхн аваль мини
Һо сәәхн җирһл мини

Намрин буудя урһц мет байн
Намрин алтн намч мет байн
Намрин нәр -наадн мет байн
Һо сәәхн аваль мини
Һо сәәхн җирһл мини

Үвлин одта теңгр мет сарул
Үвлин шин җил мет сарул
Үвлин сар- герл мет сарул
Һо сәәхн аваль мини
Һо сәәхн җирһл мини