Җидегән чишмәләрдә җиде улак,җиде улак

Җидегән чишмәләрдә җиде улак,җиде улак,
Челтер-челтер ага көмеш су.
Көмеш сулар ага, кошлар сайрый,
Шул чакларда бигрәк,
Шул чакларда бигрәк ямансу.
Көмеш сулар ага, кошлар сайрый,
Шул чакларда бигрәк,
Шул чакларда бигрәк ямансу.

Җидегән чишмәләргә йөзек салдым,йөзек салдым,
Җидегән йолдыз күреп калсын, дип.
Җанкай-җанаш алсын да куансын,
Вәгъдәләрем булып,
Вәгъдәләрем булып калсын, дип.
Җанкай-җанаш алсын да куансын,
Вәгъдәләрем булып,
Вәгъдәләрем булып калсын, дип.

Җидегән чишмәләрнең талы бөгелә,талы бөгелә,
Акрын искән җәйге җилләргә.
Сез каласыз инде, без китәбез,
Без китәбез ерак,
Без китәбез ерак илләргә.
Сез каласыз инде, без китәбез,
Без китәбез ерак,
Без китәбез ерак илләргә.
Без китәбез ерак,
Без китәбез ерак илләргә.