Карак чажы төктүп орар шак ол өйде

Карак чажы төктүп орар шак ол өйде,
Будалганнар улаштыр-ла будалып ор.
Соок сарыг өртемчейниң казыргазын
Угбайн баргаш тынын берген улус көвей.

Эптиг ээлдек кижилерни авыяс деп,
Чүге бодуң авыястыг өртемчей сен?
Топтуг оожум кижилерни кортуктар деп,
Чүге мындыг хилинчектиг өртемчей сен?

Чазый улус көвүдээрге кончуг багай,
Диленирлер көвүдээрге дөмей багай,
Чазыйланмас, диленмес-даа кылдыр чаяап
Шыдаар сен бе соок сарыг өртемчей?

Ада-ие турган болза муңгараар боор
Аас-кежик өртемчейден тыпааным дээш.
Өртемчейниң судал-ханын билбес-тир мен
Ону билир турган болза үзе кессе!