Зи хайи чил

Зун гъурбатда аватlани,
Зи рикl ава Лезгистанда.
Секин жедач зун санани:
Рикlиз хайи ватан кlанда.

Припев:
Пак Шалбуз-дагъ, Каспи, Аран,
Самур, Шагь-дагъ, сувар Яран, – 
Гьикьван куьн заз багьа язва!? 
Квехъ цlигел яз йисар физва.

Гьар ахвариз фейи чlавуз,
Заз аквазва дагълар, рекьер,
Х(и)каж хьана вили цавуз, 
Лув гузавай гужлу лекьер.

Припев:
Пак Шалбуз-дагъ, Каспи, Аран,
Самур, Шагь-дагъ, сувар Яран, – 
Гьикьван куьн заз багьа язва!? 
Квехъ цlигел яз йисар физва.

Вахъ, хайи чил, зун я цlигел, 
Къвезва заз ви эвердин ван.
Заз кlан я хьун лезги чилел,
Вахт атайла, закай са къван.

Припев:
Пак Шалбуз-дагъ, Каспи, Аран,
Самур, Шагь-дагъ, сувар Яран, – 
Гьикьван куьн заз багьа язва!? 
Квехъ цlигел яз йисар физва.

Припев:
Пак Шалбуз-дагъ, Каспи, Аран,
Самур, Шагь-дагъ, сувар Яран, – 
Гьикьван куьн заз багьа язва!? 
Квехъ цlигел яз йисар физва… 
Квехъ цlигел яз йисар физва...