Mezhegei (горловое пение хоомей)

4.
Улуг-Хемге таваңгайлаан
Улуг-Ийим, Кадыр-Ийим
Уруг чаштан ойнап өскен
Улуг шынаа Межегейим

Каа-Хемге таваңгайлаан
Кадыр-Ийим, Калбак-Ийим
Кара чаштан ойнап өскен
Калбак шынаа Межегейим

Аткан даңның сырынында
Адыр-Тейден бараан хараар
Алдыы Межегей Сарыг-Булуң
Кандыг янзы чыдар ирги

Үнген хүннүң херелинде
Үш-ле дыттан бараан хараар
Үстүү Межегей Кужур-Булуң
Кандыг янзы чыдар ирги

Алды айның болчаандан бээр
Адыр-Тейден хараар боор сен
Алдыы Межегей Сарыг-Булуң
Чайыннанып чыдар боор оң

Үш-ле айның болчаандан бээр
Үш-ле дыттан хараар боор сен
Үстүү Межегей Кужур-Булуң
Үзүк ногаан чыдар боор оң