Цым цым, цым цым уей

Цым цым, цым цым уей,
Къокlуэ шыдым тесу ди Хъуэжэ,
Ар зэрыхъуэжэщ зимыхъуэжауэ.
Щодыхьэшх хуэмыхуу цlыху нэпсей,
Зи щхьэр нэщlу пэр дэзыlэтей.

Цым цым, цым цым уей,
Гуащэр нысэм гуащlу текlиящ,
Нысэм и бэлагъыр къипхъуэтащ,
Судым кlуэну тlури ежьэжахэщ,
Ди Хъуэжэи ахэм къахуэзащ.

Цым цым, цым цым уей,
Пэлыштофыр къыщыхъужу бжьэф,
Хуабжьу ефэу фадэми лlы чэф
Шэдым хэлъу Хъуэжэ къилъэгъуащ —
Шыдыр нэхъ губзыгъэу къилъытащ.

Цым цым, цым цым уей,
Хъуэжэ йоплъыр хъыджэбз къыlущlам,
Зи нэщlащэр фlыцlэу къилыкlам,
Зи щхьэр къанжэ игъуэу гъэбэтам,
Зи кlэр адэжыну пыупщlам.

Цым цым, цым цым уей,
Хъуэжэ и шыд цlыкlур щlоущыхь,
Езым дуней дахэу хъуар къеплъыхь,
Щогуфlыкlыр гъащlэ ефlэкlуахэм,
Ауэ щодыхьэшхырей къэнам.