Жангыз сенсе мени жулдузум (OST "Огъай деген")

Жаз келди, жанкъозла чакъдыла,
Тёгерекге къууат салдыла!
Бир ариу къызчыкъ эсимден чыкъмайд
Ол ариу жулдузчукъгъа ушайд.

Эсимде турады къарамынг,
Жашаууму сенге атадым.
Кече кюн демей, назмула жаза
Жырла салып сенге атайма.

Сен билсенг, ариуум
Жангыз сенсе мени жулдузум!
Толур эди муратым
Сени бла бир болса жазыуум!

Сени кёрмеген кюнюмде
Бир бек ауруйду мени жюрегим.
Кюн сайын алынга къарап
Сени сакълайма сюйгеним!

Къолума алсам суратынгы
Жюрегим айтады атынгы!
Сюймеклигими сенге айтыргъа
Кеси кесиме базынмайма…

Сен билсенг, ариуум
Жангыз сенсе мени жулдузум!
Толур эди муратым
Сени бла бир болса жазыуум!

Сени кёрмеген кюнюмде
Бир бек ауруйду мени жюрегим.
Кюн сайын алынга къарап
Сени сакълайма сюйгеним!