Бабацауа

Абазаква чвгьта бзи йырбауа ашва!!! :smile: 
ТацанадылракI йгьакIвшум ари йрымхIвауа!

ЙыбхIвун йацы быжь пшдзала:
«Слашара бзи уызбитI»,
ЙахьчIва бымгIва мадзала
ЧкIвын тламакI бйыцта бцитI.

АцхIвара (Припев):
Бабацауа, бабацауа,
Бабацауа бара ей?
Бабацауа тшбыртацауа,
СгIаныбыжьта сара. (2 раза)

Пшкадза йсбыргIвун агангьи:
«СылтацахуштI» бхIвауа.
Дбызпшуан, днабайгвгъун сангьи
ЙылзымчхIауа дбызпшуан

АцхIвара (Припев):
Бабацауа, бабацауа,
Бабацауа бара ей?
Бабацауа тшбыртацауа,
СгIаныбыжьта сара. (2 раза)

ЧвырхъитI чвырхъала сыла
Сыгьтахым са бхъагьи
Чва пхызта бхъыцитI сыла
Сбымдырхуазшва зынгьи.

АцхIвара (Припев):
Бабацауа, бабацауа,
Бабацауа бара ей?
Бабацауа тшбыртацауа,
СгIаныбыжьта сара. (2 раза)

БчвырхъитI бабхъала бтхаджьуа
Сыгьббахуам са хабар!
СнабыщтыцIритI сыкIвъаджьуа:
«Йабау сыпшдза бкърар»?

АцхIвара (Припев):
Бабацауа, бабацауа,
Бабацауа бара ей?
Бабацауа тшбыртацауа,
СгIаныбыжьта сара. (2 раза)

Бабацауа тшбыртацауа,
СгIаныбыжьта сара…