Толин хуул

Газар үнэгшин омогшиход толгод хотойно
Хазаар даран тэмүүлэхэд дэлхий атирна
Зурхай эргэж гархад наран сугарна
Зуныг элдэж хурдалхад дээл сэмэрнэ

Толин хулын тоосонд хийморь зүггүй наадам
Торгон жолоо өргөхөд нулимс тогтохгүй наадам
Толин хулын төвөргөөнд тугаа өргөсөн Монголоо

Амгайгаа зажилан үүрсэхэд уяа сэргэнэ
Арай ядан тогтооход цулбуур эрчилнэ
Айргын галыг тойрход хараа булаана
Аядуу уртад сойход салхи амарна

Тогоруу халтарын магтаалд айраг дундарах наадам
Товруу мөнгөн эмээлдээ эзэн нь гоёдсон наадам
Тогоруу халтарын салхинд туг нь намирсан Монголоо

Арвайн домог сэдэрхэд өвгөд хуучилна
Адтай гийнгоо цангинахад асар эзгүйднээ
Үрээ морьдын давхиаанд дагуул олширно
Түрүү магнайд ирэхэд нь хадаг ховордоно

Аварга хээрийн хөлсөнд дэнж мялаасан наадам
Ар халхынхаа энгэртээ торгоор уралдсан наадам
Аварга хээрийн төвөргөөнд аялгуу өргөсөн Монголоо...