Акбузат

Тамара Искәндәриә һүҙҙәре,
Гөлдәр Ишҡыуатова көйө.

1. Хыялдарҙы бойомға ул
Ашыра,
Балаларҙың янына гел
Ашыға.
Аҡбуҙ иле – һандуғаслы,
Торналы,
Ҡурай моңло, ҡумыҙ сыңлы,
Һомайлы.
               
Ҡушымта:  
Һай, тылсымлы, тоғро атым
Аҡбуҙат!
Саҡма тояҡ, йондоҙло ял – 
Аҡбуҙат!
Моң ҡанатлы, нур ҡанатлы 
Аҡбуҙат,
Ялҡын тынлы, йондоҙ яллы
Аҡбуҙат!

2. Һинең менән осам, гүйә,
Күктәргә,
Киң ҡанатың бейектәргә
Күтәрә!
   Ҡуш йөрәкле “Аҡбуҙат”ым – 
Зирәк һин!
Бик кескәй булһаң да, илгә
Терәк һин!

4. 1-се куплет ҡабатлана.