Хуш инде мәңгегә димә тик

Вәгъдәләр бирмәдем, сөям дип белмәдем,
Аерылгач аңладым барысын.
Күкләргә ашасы хыялым патшасы
Син булган, син булган икән бит...

Кирәкми, аңлатма. Соңардың,соңардың...
Ярың бар яныңда-беләм бит.
Җаннарым көймәсен, язмышны белмәссең-
"Хуш инде мәңгегә"димә тик.

Рәнҗүле йөзләрең, үпкәле сүзләрең-
Яралар саласың миңа ник?
Сөям дип кычкыра синең дә күзләрең,
Яшермә, барыбер күрәм бит.