Ый (И.Гаврильев, Н.Михеев т.м) с концерта Ый Кыыha

1. Мунчаарар түүннэрбэр
Түннүкпүн эн өҥөйөҕүн,
Сырдык мөссүөҥҥүнэн
Хараҥаны хайытаҕын.
Курус санааларбын
Эйигинниин үллэстэбин,
Ыраас ыраларбын
Эйиэхэ мин анаан ыытабын
Эн туолбут ый

Х/ы Оччоҕо эн миигин ылан
Ыра санаабын кытары
Кэрэ ыраас да дойдуга
Илэ гынан көтүтэҕин
Эн туолбут ый

2. Бу устар олоххо
Тыйыс тымныы уорааныгар
Сылаас сыдьаай гынан
Айаммын эн арыаллыыгын,
Инники кэскилбин
Кэрэhэлииргин билэммин
Эн ыйбыт суолгунан
Оргууйдук мин айанныыбын

3. Yрдүк чыпчааллары
Эйигинниин дабайабын
Сырдык санааларбын
Ситэн ылан илэ гынан
Сырдык мөссүөҥҥүнэн
Хараҥаны хайытаҕын,
Туолбут ый буолаҥҥын
Айаным суолун эн сырдатыый