Тропарь великомученице Екатерине

Добродетельми, яко лучами солнечными, 
просветила еси неверныя мудрецы: 
и якоже пресветлая луна ходящим в нощи, 
неверия тьму отгнала еси, 
и царицу уверила еси, 
вкупе же и мучителя обличила еси, 
богозванная невесто, блаженная Екатерино: 
желанием востекла еси в небесный чертог, 
к прекрасному Жениху Христу, 
и от Него царским венцем венчалася еси: 
Емуже со Ангелы предстоящи, 
за ны молися, 
творящия пречестную память твою.