Кунду таас

. Хараҥа, кыыс хараххар ыйдаҥа уота устар
Сырдаталлар хараҥа хоhу сулустар
Эдэр тапталбар эн хам куустаран
Аттыбар сытаҕын сылааспар сууланан
Аатырбыт атахтаргын хантан ылбыккын
Билбэппин ким манныгы эйигин айбытын
Сүүстэн биир сүрэх талла эйигин
Өрүллүбүт суhуоххун ыксаабыттыы сүөрэбин
Билэбин бу түүн барытын быhаарар
Эрэнэбин олоҕу бүтүннүү уларытар
Эн, мин, ону тэҥэ күhүҥҥү халлаан
Онон-манан быстах былыттар ааhаллар манаан
Арай биhи тыынарбыт иhийбит чуумпуну аймаан
Түннүк нөҥүө тыал ону иhиллиир уоран

Х/ы Билэбин эн буолаҕын миэхэ дьолтон ордук күүс
Билинэбин этиэм эйиэхэ эн мичээриҥ ураты көмүс
Эн тыынарыҥ олус күндү
Барбаппын атыны көрдүү
Эн мин аналым, эн мин тапталым
Мин тыыннаах күндү тааhым

2. Хас сыл ааста эйигин сүтэрэн барбытым
Буруйдаах онно абылыыр хараҕыҥ
Эн иэйииҥ сылааhынан
бүрүнэн
Сүрэх тохтор ууллан, нүөлүйэн
Эйиэхэ астына ыкса сыста сыталлара
Уоскар сүүрэн түhэр көлөhүн таммалаан
Дууhам оргуйар уохтаах тапталга бэринэн
Манньыйан иирэн сүтэн ылабын симэлийэн
Хардаран ис сэниэтэ эбэ түс миэхэ
Аҕал илиигин куус миигин күүскэ
Таптал утаҕыттан утаппыттыы амсайан
Көтөбүт быhаттыы халлаан устун айаннаан
Аналлаах сулуhу таарыйар баҕаттан
Түүҥҥү хос уhуктар өрө тыынан
Түннүктэн куорат уоттара көстөллөр
Сүүhүнэн сулустар сэргии көрөллөр