Сени бла селешеме

Насыбынгы табалдынгмы, муратынга жеталдынгмы
Деп, сорадыла тюбеселе, тенглерим.
Ол соруугъа жууап бермей, Ышарама ачыкъ келден
Насыпны уа билдиредиле кезлерим.

Жолукъдурду жазыу десек, буйрукъ этди сезим десек, 
Табыныргъа мен излейме алагъа.
Сюеди-сюймеди деселе да, сезюбюню этселе да, 
Болмадыла чырмау керти жазыугъа.

Ариуумса, игимсе дей, эрикмейин хар кюнюнгде, 
Тиширыуну къанатлары аладыла.
Ол сезлени кючлеринден, кезлерими жинкилери
жукъланмагъан сюймеклиден жанадыла.

Санга тенглик эталдыммы? Керти дагъан болалдыммы?
Деп, сорама мен да кеси кесимден.
Ол нюзюр бла жашагъанма, кюнлерими ашыргъанма,
Жеталдыммы, жаным, сени келюнге?

Барадыла жылла озуп, барадыла ызла къоюп,
Этдиредиле сагъыш этген заманла.
Ишингбыла сен айтылсанг, юйдегингден сен къууансанг,
ол тюлмюдю толу насып адамда?..