Сенемiн

1. Асыл арман жетелеумен,
    Бір бақытқа жетем деумен,
    Жүзіп келем өзенімен өмірдің.
    Талай таңдар армандаған, 
    Арманына алданбаған,
    Бір бақытың барына мен сенемін.

Көңілдің көгінен,
Жүректің төрінен,
Орын алғансың.
Көктемдей көрікті ең,
Сен маған неліктен, 
Сағым армансың.
    Үміт үзбеймін күндерімнен,
    Қиялда сенмен біргемін мен,
    Жаныма жақын өзің ғана,
    Менен алыс жүргеніңмен.

2. Ұсынғанмен қатты сынын
    Тағдыр сыйлап тәтті мұңын
    Жолығармыз махаббаттың бағында.
    Оны несін жасырамын ,
    Кездесүге асығамын, 
    Айналады жас жүрегім жалынға.