Sumarok («Мінор», 2015)

у бясконцых калідорах — цішыня і змрок. 
разгарацца святлафоры at nine o’clock. 
ты адчыніш недзе дзверы і пачуеш крок — 
пераклейвае шпалеры ў сваіх думках sumarok. 

ты пачуеш, як схаваўся ў цішыні твой сон. 
у ім так светла, у ім іскрыцца мараў стадыён. 
задаволены, нібыта афрыканскі слон, 
будзеш думаць, як жа слову даць патрэбны склон. 
задаволены, нібыта афрыканскі слон, 
будзеш думаць, як жа слову даць патрэбны склон, 
будзеш думаць, як жа слову даць патрэбны склон. 

а ў небе партызаны — анёлаў шыхт. 
я падумаю, здзіўлюся: як жыў без іх?… 
пабудую свой сусвет, дзе не будзе злых, 
што не стануць перашкодай для надзей маіх… 

у бясконцых калідорах — цішыня і змрок. 
разгарацца святлафоры at nine o’clock. 
ты адчыніш недзе дзверы і пачуеш крок — 
пераклейвае шпалеры ў сваіх думках sumarok. 
ты адчыніш недзе дзверы і пачуеш крок — 
пераклейвае шпалеры ў сваіх думках sumarok, 
пераклейвае шпалеры ў сваіх думках sumarok. 

2013-2014