Эс маншăн килнĕ çĕр çине

1.Мĕн-ма тăкать-ши çамрăк хурăн 
Паян мерчен пек куççульне? 
Мĕн чухлĕ кĕтмелле-ши унăн 
Тата хавас çил ачине? 

2.Мĕн-ма çунать-ши чун-чĕреçĕм 
Кăвайтсăрах кашни кунах? 
Пĕлтер, ытарайми пикеçĕм, 
Мана саватăн-ши хытах? 

Хушса юрламалли:
Сана сар уйăх та куç хĕсĕ 
Тухса каçхи çÿл тÿпене. 
Çапах та маншăн килнĕ эсĕ 
Çак тĕлĕнтермĕш çĕр çине. 

Ак эпĕ те тинех тутантăм 
Чăн юрату вăй-хăватне. 
Ак эпĕ те тинех ăнлантăм 
Кам ăраскалăм пулнине. 

3.Эс тупăнтăн ăçтан сасартăк? 
Санран çук пулĕ чиперри. 
Кĕскен те уççăн халь калас тăк: 
Телейлĕ эпĕ çав тери! 

4.Эс – çут хĕвел, эп – шурă пĕлĕт. 
Эппин, пĕрле эпир ялан. 
Пур ман хитре те ырă ĕмĕт, 
Вăл пурнăçланĕ санпалан.

Х.ю.:
Сана сар уйăх та куç хĕсĕ 
Тухса каçхи çÿл тÿпене. 
Çапах та маншăн килнĕ эсĕ 
Çак тĕлĕнтермĕш çĕр çине. 

Ак эпĕ те тинех тутантăм 
Чăн юрату вăй-хăватне. 
Ак эпĕ те тинех ăнлантăм 
Кам ăраскалăм пулнине. 
(2 хут юрламалла)