Яшьли сойгэн ярым

Яшьли сөйгән ярым,
Еракларда калдың.
Еракларда, яшьлек таңында.
(Төшләремә кер син,
Өннәремдә кил син,
Якты кояшым бул янымда.) 2 раза

Яшьли сөйгән ярым,
Йөрәгемдә калдың.
Аерса да ачы язмышлар.
(Үткәнгә уфтанмыйк,
Язмышка сылтанмыйк,
Язмышлардан табыйк узмышлар.) 2 раза

Газаплама көн дә,
Кереп төшләремә.
Синсез яшәү үзе зур газап.
(Кайтып килик дустым
Яшьлек таңнарына.
Җитәкләшеп тагын бер кабат) 2 раза