Колхосчу мен (2017)

Ховуларга аян тудар 

Хомус болган хамнаарак дег 

Хостуг эрге ээлеп турар 

Колхозчу мен, тараачын мен 

Чырык орук дилеп чоруп 

Колхоз орук шилип алдым 

Чыргалаңче чедер дээштиң 

Коммунаже базып ор мен 

Кылыр ижим ниитинии 

Кылган чүвем база хөйнүү 

Кырыза-даа, колхозум бар 

Кымга-даа-ла чалынмас мен 

Колхозумнуң хөгжүүрү дээш 

Холум дыңзыг ажылдаар мен 

Хосталганың туюлу боор 

Коммунизм тургусчур мен