Сен кат жаздын

Сен кат жаздың, катыңда бар сүйүнүү,
Сезимдеги сырларыңдын түйүнү.
Сага бирөө жүрөк сырын ачканбы,
Сунганбы же бал катары сүйүүнү?

Сен кат жаздың, кубанычың батпаган,
Сүйүү мына ишеничиң актаган.
Бар байлыкты эми бекем сактай бил,
Бакыт деген бир ордунда жатпаган.

Кайырма:
Мен кат жаздым, тагдырыңа таарынба,
Башка түшөт кыйынчылык баарына.
Жашык болбо, сабырдуу бол,
Жазганы бар сенин дагы багыңа.

Сен кат жаздың, катыңда бар кусалык,
Калгандайсың кайгы-муңга тушалып.
Бир кездеги сүйүү балын таткызган,
Билинбестен кеткен экен уу салып.

Кайырма

Сөзү : Бакыт Жунусалиевдики
Обону : Жамиля Муратованыкы