Æмбалы зарæг (Чеджемты Æхсары ныхæстæ)

ÆМБАЛЫ ЗÆРДÆ
(Чеджемты Æхсары ныхæстæ)
Амондджын уый у, уый хонынц хъал,
Царды кæмæн ис уарзон æмбал.
Æмбалы зæрдæ — рухс хурæй конд,
Уалдзæгау — райдзаст, арвау бæрзонд.

Æмбалы хорзæх у’ алкæй дæр уæд!
Хорз æмбал не скæндзæн маст,
Нæ асайдзæн никуы йæ ард.
Зæрдæтæм чи хæссы уарзт,

Ахæмтæ рухс кæнынц цард.
Æмбалы хорзæх у’ алкæй дæр уæд!
Иунæг æлгъыст у, иунæг — мæгуыр,
Иунæджы артдзæст — заууат быдыр.

Никæй хъæуынц йæ цин, йæ рис.
Æмбалы зæрдæ — царды æмбис,
Æмбалы хорзæх у’ алкæй дæр уæд!
Бæлæстæн хъæды сонт дымгæ циу?!

Бæлæстæ — бирæ, дымгæ та — иу!
Æмбæлтты фарнæй хох дæр нæры,
Æмбæлтты фарсмæ амонд цæры.
Æмбалы хорзæх у’ алкæй дæр уæд!