Буряад арадни / buryad.fm

Буряад арадни 
Үг. ба хүгж. Д. Сунраповагай

Нарата эзэн дэлхэйн Ази талада , 
Нангин Саяанай хормойгоор - Байгал далай ... 
Буянтай, бурхантай, соёл түүхэтэй, 
Булган малгайта Буряад арадни! 

Дабталга: 
Сэнхир хадагаа үргэн баригша, 
Сэлмэг бодолтой, сэсэн үгэтэй, 
Сарюун газарта амар ажаhуугша, 
Солыень дууданаб Буряад арадайнгаа! 

Хүхэ мүнхэ тэнгэри - эсэгэмнэй, 
Хүжэ ногоон дэлхэй - эжымнэй, 
Бурханай үршөөhэн заяагаар 
Буянтай ажаhууна Буряад арадни! 

Хии морин эзэн - сахюусан огторгойдо, 
Хиидэнэ урагшаа тэгүүлэн. 
Элинсэг хулинсагай дээдэ тэнгэри 
Бултанай сахиха нангин уялга!