Желкилдек (2016)

Жылқының мінсіз қара төбеліндей,
Аузың бар шыны аяқтың кемеріндей.
Шашыңды он екіден талдап өрген,
Базардың кезі алпыс сом жібегіндей.
Ақ бетің жарқырайды жұмыртқадай,
Тұлымың сылбырайды шыбыртқыдай.
Боз үйден сен шығасың керіліп-ау,
Аяқты бір басуға ерініп-ай.
Аққудай көлден ұшқан көтеріліп,
Жігінен қанатының сөгіліп-ай...

Саламат, сау жүрмісің, асыл данам,
Сен үшін ән салуға домбыра алам.
Құрбыңа көзіңді сал панаңдағы.
Сөйлеймін еркін күнде еске келген,
Сөзімді айтпай қалман қиялдағы.
Сипатың сәулеленген туған айдай,
Жаһанда қолға түспес сен бір дағы
Ұлағат бар ата-анаңның салған жолы.
Әркімге өзіне ыстық сүйген жары,
Қосылса, екі жақсы адаспайды,
Біріксе, жас жүректің ынтымағы.