Әкълимә

Син минем ягыма карамыйсың да,
Син минем турыда уйламыйсың да.
Карама, уйлама, эндәшмә, Әкълимә, —
Син генә минем уемда!

Йөрәгем җылынып китә,
Елмаеп карасаң үземә.
Карама, уйлама, эндәшмә, Әкълимә,
Син генә минем уемда!

Барыбер кар эрер, су булып китәр,
Яз көне йөрәкнең кылларын чиртер.
Мин көтәм сагынып, кил минем яныма,
Гүзәлем минем, Әкълимә!

Йөрәгем җылынып китә,
Елмаеп карасаң үземә.
Карама, уйлама, эндәшмә, Әкълимә,
Син генә минем уемда!