Вай, кодамо!..

Муз. /Сл. - А. Бочканов

Вай, кодамо 
1-це 
Мельсон кирдян кода вишка пингстэ мон велев артнинь, 
Кода бабам сеянь ловсодо монь симдимим, 
Кода Лашма лейнестэ бабань кардазов ведь кантлинь. 
Кияк бу содаль кодамо ведесь ваньксоль. 
Пр. 
Вай кодамо, 
Вай кодамо, 
Вай кодамо тосо ведесь ванькс. 

2-це 
Кирдян мельсон кода лелям марто мон стада ванынь 
Валске марто, локшо марто скалтнень мельга мон чийнинь, 
Кемтне мондень покшольть ансяк седеем теде эзь ризнак. 
Зярдояк а стувтовить сеть валскнень ваньксостгак. 
Пр. 
Вай кодамо, 
Вай кодамо, 
Вай кодамо тосо валскесь ванькс. 

3-це 
Кода омбоце лелям марто калонь кундамо якинь – 
Кундынь кал, ды се калонть мельга веденть алов мон туинь. 
Кирди лелям ульманть, калонть ды пильгеде монь кирди 
Те ансяк пейдевтомс киньгак, кода цёрась калт кунды 
Пр. 
Вай кодамо, 
Вай кодамо, 
Вай кодамо калонь кундыця эйстон 

4-це 
Бабам вастсомам кудосо, кевксте: «Пекет тонь каравсь» 
Ёвтне монень мезде маринь аволь весть, ды аволь кавксть. 
Ярсан- ванан лангозонзо, ды эсь пачкан мон арсян 
Те седееде седе ванькс, вешнема карман – а муян. 
Пр. 
Вай кодамо, 
Вай кодамо, 
Вай кодамо бабай седеет ванькс. 

Вай!