Атте-анне килĕнче

Ҫитмĕлех те ҫичĕ ҫĕршывра
Ывӑлĕ те хĕрĕ пурӑнать
Хисеп туса чĕннĕ йыхравпа 
Кĕрĕвĕ те кинĕ пухӑнать

Ҫеҫке ҫурнӑ улмуҫҫи ҫинче
Шӑпчӑк чĕпписемпеле юрлать
Аттепеле анне килĕнче
Пур тӑванĕ пĕрле савӑнать

Ҫупкам-ҫупкам иҫĕм ҫырлине
Пĕрчĕн-пĕрчĕн татса ҫийĕттĕм
Ытарайми атте-аннене
Аллӑм ҫинче йӑтса ҫӳрĕттĕм

Шӑнкӑрах та юхать юханшыв
Юха-юха тинĕсе ҫитет
Атте-анне панӑ ыр пехил
Мĕн ватӑлса виличчен ҫитет