Бәхетле бул, балам!

[bad word]  [bad word] urazova_khakimov

(Ф. Мортазин көе, Р. Вәлиева сүзләре)

1. Язгы сулар ургылып аккан чакта
Күңелләрем сине юксына.
Язлар ямьле түгел синнән башка,
Кайт син, балам, тизрәк, кайтсана!
Кайт, күз нурым, кайт туган ягыңа –
Тугайларың сине сагына.

2. Өй түрендә кошлар оя корды,
Сайрауларын тыңлап юанам.
Алар тиздән бала үстерерләр,
Минем генә йортым тын һаман.
Кайт син, балам, кайт туган ягыңа –
Тургайлар да сине сагына.

3. Яз кайтмадың, бәлки көз кайтыр дип
Сине көтеп яшим мин һаман.
Узмасын ла гомер сагыш белән,
Кайт, күз нурым, тизрәк кайт, балам.
Кайт син, балам, кайт туган ягыңа –
Газиз әнкәң сине сагына.

Газиз әткәң сине сагына,
Газиз әнкәң сине сагына,
Кайт син, балам.