Мин бит сине шундый сагындым(Фирзәр Мортазин көе, Эльмира Җәлилова сүзләре).

Урамнардан узам, күңел сыза.
Эзләп йөрим парлы эзләрне.
Баш очымда зәңгәр болыт һаман
Хәтерләтә синең күзләрне.

Син сөялеп торган каеннарга
Җилләр булып килеп сарылдым.
Ишет әле, ишет тавышымны -
Мин бит сине шундый сагындым!

Күңелемдә синең сүрәт яши.
Син яртысы һаман җанымның.
Еллар кичеп, әрнүемне ишет -
Мин бит сине шундый сагындым!

Кайтар әле, кайтар минем синле
Иң бәхетле, рәхәт чагымны.
Йөрәгемдә Кояш булып кабын -
Мин бит сине шундый сагындым!