Жюрегимми тырнап тургъан сёзлени

Жюрегимми тырнап тургъан сёзлени
Жыргъа салып тенгле сизге айтама
Тау миллетим кёп жарсыудан чыкъгъанса 

Тут башынгы ёрге халкъым
Уллу сыйгъа тийишлисе
Миллетим кёбей жашна тау халкъым

Тут башынгы ёрге халкъым
Уллу сыйгъа тийишлисе
Миллетим кёбей жашна тау халкъым

Уюп тургъан уяларынг чачылып
Керти атынг душманлагъа сатылып
Тийип тургъан жарыкъ кюн терк батып

Сюйген таулурынгдан юзюп 
Анча жылгъа ёксюз этип
Атдыла къум тюзлеге къуйдула

Сюйген таулурынгдан юзюп 
Анча жылгъа ёксюз этип
Малкъарыммы къум тюзлеге къуйдула

Тауларынгдан терк айырылып кетгенсе
Жерлеринги сен иесиз этгенсе
Анча жылны къан жилямукъ тёкгенсе

Акъгъан жилямугъунг сени 
Азияда дарман болгъанды
Къумлада гоккаланы чакътыргъан

Акъгъан жилямугъунг сени 
Азияда дарман болгъанды
Гоккала бла къум тюзлени жашнатхан.