Ме марий улына

Эр лупс гае пеш яндар
Самырык кумыл улеш.
Нӧргӧ лышташын виян 
Шошымсо вӱдла шолеш.

Самырык пагыт мемнан,
Самырык ме улына.
Ме кугешнен ойлена 
Ме марий улына.

Кидым вашла кормыжтен
Иктыш пырля ушнена.
Ок керт иктат шалатен
Самырык ме улына.

Курык марий, эрвел марий, олык марий.
Мӱндырнӧ улына гынат, чонна иктак.
Ме марий улына.

Тӱня мучко шаланен,
Марий калык ила.
Огына керт ме монден,
Ме марий улына!