"Кыргызымдын кыраандары" (Nurislam Turgunbaev)

Курч мүнөз, эр жүрөк кыргыз балдары,
Силер бар элимдин болбос арманы.
Шумкары бийикке учуп көкөлөп,
Тулпарга ар качан жолдош жандары.

Кайырма:
Эл-жерин душмандан сактаган,
Эч кимге өз дилин сатпаган,
Чоо жүрөк жеңилбес кыраандары,
Кыргызды кылымга даңктаган.

Ак булутту жамынган,
Ала-Тообуз жаңырган,
Ак калпакчан жигиттер,
Айбаты курч жалындан.

Кыргыздын акылы көпкө тең келген,
Улуубуз байыркы өткөн элдерден,
Урпактар уланган айкөл шерлерден,
Улуу көч бийиктен бизге дем берген.