Чун савнине

Куҫӑмран пӑхан эс тем шыранӑн.
Ҫуралать  ыр туйӑм чӗремре.
Вӑрттӑн-вӑрттӑн ӑмсанса пире
Йӑлкӑшать ҫурта йӗре-йӗре.

Ҫӑвать сив ҫумӑр, ун юрри-ташши
Паян ытла та ҫывӑх чунӑма.
Сана юратрӑм пулӗ ытлашши.
Мӗн пире хистерӗ уйрӑлма?

Ҫуллӗ тӳпере миҫе ҫут ҫӑлтӑр?
Анлӑ тинӗсре миҫе тумла?
Ҫавӑн чухлӗ кӑшт та ывӑнмасӑр
Чуп тӑвасчӗ ҫепӗҫ тутунтан.

Ҫӑвать сив ҫумӑр, ун юрри-ташши
Паян ытла та ҫывӑх чунӑма.
Сана юратрӑм пулӗ ытлашши.
Мӗн пире хистерӗ уйрӑлма?

Вӑй илеймӗ шывсӑр ҫамрӑк хурӑн.
Ҫуралаймӗ тӗттӗмре чечек.
Эсӗ маншӑн ҫумӑр та хӗвел,
Саншӑн уҫӑ чунӑмри тӗпел.

Ҫӑвать сив ҫумӑр, ун юрри-ташши
Паян ытла та ҫывӑх чунӑма.
Сана юратрӑм пулӗ ытлашши.
Мӗн пире хистерӗ уйрӑлма?